ക്ഷമ..

ക്ഷമിക്കുക നിങ്ങൾ..

ഈ ഒരു വാക്കിൽ
നോവുകൾ മായില്ല
മുറിവുകൾ ഉണങ്ങില്ല
പൊട്ടിയതൊന്നും
വടുവില്ലാതെ
കൂടിച്ചേരുന്നുമില്ല..

ക്ഷമിച്ചു കിട്ടുവാനായി
ക്ഷമ യാചിക്കുന്നില്ല..
മോക്ഷത്തിനല്ല..
സമാധാനത്തിനുമല്ല..
ശിക്ഷയിൽ നിന്നൊഴിവാകുവാനുമല്ല ..

പിന്നെയോ?

സ്വയം തിരിച്ചറിയുന്നു
എന്നറിയിക്കുവാൻ
വേണ്ടി മാത്രം..
അതിൽ വേദനിക്കുന്നു
എന്നറിയിക്കുവാൻ വേണ്ടി മാത്രം..
ഞാനായിരുന്നില്ല ശെരി എന്നു
ബോധ്യമായിരിക്കുന്നെന്നു
പറയുവാൻ വേണ്ടി മാത്രം..